_عفوا ...اعذروني مش عاوزة حد يعلق ويقوا العنوان ده فيه جناس لاني مليت من الكلمة دي ياعتباري من(ضحايا الثانوية العامة)....
وعفوا ايضا لأني دخلت فيكم شمال وبقيت اتكلم بالفصحى شوية....سيبونا من الاعذار وتعالوا نتكلم في موضوع مهم جدا وياما اتكلمنه فيه بس مافيش فايدة...
أول ما تدخل من مطار القاهرة كده وانت داخل يمين تشم ريحة غريبة جدا في جو مصر مش موجودة في اي حته غير ف ام الدنيا!
وهيا ريحة_(واسطة وكارت من الباشا وتحت الترابيزة)!
واول ماتشم الريحة دي تأكد واعلم علم اليقين يبقى انت اكيد اكيد في مصر...تيرارارار.
كل شبر ف بلدنا بقى ماشي بالوسطة للدرجة بانها بقت سمة مميزة لبلدنا..
كل حاجة في حياتنا واسطة في واسطة....
بعد كده ف الالفية الجية هتلاقي اما الست تروح تولد الدكنور يقولها سوري يا مدام عشان اضمن ان ابنك يعرف يعيش بعد كده وريني الواسطة بتاعته اللي هيعرف بيها يتعايش مع اهله انما لو مش معاه (ايم بوسيبل)نو نيفر اطلاقا مش هخرجه للحياه....
أما تلاقي نفسك كده وانت ماشي ف الشارع وخبطتك عربية ماتستغربش!!!
أصل سوزي مطلعه الرخطة بالواسطة...
وأما تروح عند دكتور عشان يعمل لك عملية ولا حاجة وصحيت لاقيت نفسي ف مكان خير اللهم اجعله خير اسود ف اسود وحوليك ميتين وبتتحاسب برضه ماتستغربش...!!
أصل د_شلبي دخل كلية الطب بمجموع 49 ف المية من الثانوية العامة وكله بفضل فلوس بابي ومامي وكارت اونكل هشام...
وبرضه لو وقعت عمارتك بعد 2 شهر من بنائها برضه ماتستغربش...!!
اصل الباش مهمندس كوكي برضه دخل هندسة بمجموع 39 ف المية,
تعالوا نعمل تجربه كده وهنشوفها هتفلح ولا لأ...
التجربة: روح بيع مخدرات وتاجر فيها(اصلها بتكسب دهب)وخليهم يقبضوا عليك وروح ادي للظابط اللي مسكك 2000 جنيه ولا حاجة ف ايده(وماتبقاش بخيل ما انت بتكسب اد كده)
المشاهدة: زغلله ف عين الشرطي وعصير ليمون لحضرتك تهدي بيه اعصابك اللي اتوترت وانت داخل القسموعربية هتوصلك لحد باب البيت.
الاستنتاج:1_مصر بلد الامن والامان.
2_اي حد عاوز يبيع مخدرات ينورنا ف مصر.
3_ارتفاع معدل تجارة المخدرات ف مصر.
بس معلش يا جماعه المصلحة دي ع بال ماتنقضي لازم باباك يبقى لواء او اي حد من الناس دول اللي بيلبسوا لون الكرافته زي لون الحزام...
هااااااااااااااي انت..ايوه انت...ايوه انت يا احول.امال بشاور ع مين يعني!!..عاوز تغني...وصوتك وحش...تعالى عندي...الحل ف ايدي..هديك كارت من وزير الثقافةتروح بيه عند نصر محروس وف خلال يومين هتلاقي كليبك مكسر الدنيا...بس كله بحسابه واسأل مجرب..والعرض ساري حتى نفاذ الكمية...
وبالرشوة والواسطة احنا قادرين نعيش ونتعايش مع حياتنا وحامدين ربنا ع كل حال...
بسالحقيقة انا شايفة المكان الوحيد اللي مافيهوش ف مصر واسطة هو مكتب التنسيق...
لان ده المكان الوحيد اللي كل الشعب المصر يتمنى يبقى فيه رشوة وواسطة...!!
وفي الاخر لو اتاخد حقك واتظلمت ع حساب حد تاني...ماتستغربش!!
انت ف مصر...
الاء
ردحذفاسمحيلي اقولك ان الموضوع ده ....بجد ....
رهيييييييييييب
مش عارفة اقولك ايه انا حسيت انك انتي مش انتي ^_^
احساس عالي اوي..ومكتوب حلو اوي بغض النظر عن الاخطاء المطبعية (معذورة معاكي ملحق عربي ^_^)
جميل جدا بجد..:)فكرتيني بسحر غريب وطريقتها
لسه موصلتيش لأكرم بس انتي بتتقدمي جامد ماشاء الله
ردي عند ناس من عندي عشان ييجولك ويعلقوا هنا
سلاماتووووز
هههههههههههه
ردحذفبجد انا مش مصدقة انه عجبك
لانه اساسا ماكنش عاجبني بس قولت انزله وخلاص
بس الحمد لله انه عجبك بجد ومادام عجبك يبقى انا اتأكدت ان الموضوع ده حلو
ربنا يباركلي فيكي يا رودي يا رافعه معنوياتي
مين قال ان مصر بس هي اللى فيها الفساد والواسطة والرشوة ؟
ردحذفياحبيبتي كل البلاد كدا
بس الفرق بينا وبينهم ..
ان ولادها بيشردو فيها بدال ما يصلحو فيها
ممكن تقوليلي لو انتي او والدك عاوزين تعملو حاجة لازم تدفعو فيها رشوة او محتاجين واسطة هتعملو ايه ؟
هتدورو علي واسطة او هتدفعو الرشوة !!
هتقوليلي عشان مضطرة
هقولك لو كل مضطر رفض يعمل كدا .. البلد هتتعدل لان مصالح الناس اللى قايمة ع الرشوة والواسطة هتقف
وبالتالي هيتعدلو !!!
لا يغير الله ما بقوم حتي يغيرو ما بانفسهم
واحنا في مصر عاوزين الدنيا تتغير من حوالينا .. واحنا جوانا نفضل زي ما احنا
ودا مستحيل يحصل <_<
مدونة جميلة .. وموضوع جميل .. وان كان خلاني ادمع حسرة علي ام الدنيا :(
ميرسي جدا لتعلقيك الرائع ده
ردحذفوانت فعلا عندك حق ف اللي قولته
واحنا ع قد ما بنقدر بنحاول نغير من بلدنا بس خطوة خطوة
ميرسي ليك تاني
عارفة احنا هاندننا كده لغاية مايجى عقاب معتبر عشان كل واحد من البنى ادمين المحترمين يتعدلوا
ردحذف