الفيل في الغرفة
-
*بالأمس قفز فيل فوق صدري!*
*ليس أمرًا غريبًا كما تظنون ، الفيل كان يصاحبني منذ مدة، حاولت تذكر صوت أمي
ليأمرني بجدوى المحاولة أن نحيا دون تفكير، ولم أجده ...
قبل عامين (2)
الخميس، 28 يناير 2010
من حقنا....
انا مش هقول كلام فاضي....هقول كلام معقول ما اقدرش اقول حاجة عنه تي رارارا ....ركز هنا بقى
انا طلباتي مش كتيرة...انا طلباتي هادفة....طلباتي هتفيد حوالي تلتين شباب مصر
انا مش هطالب بتزويد الكادر...ولا هطالب باعادة ماتش مصر والجزائر....ولا هصرخ بأعلى صوتي واقول كفاية يا حسني حرام (حسني ده جارنا اوعوا دماغكوا تروح بعيد)
انا طلبي ابسط من كده بكتيير ...انا طالبة اسبوع اجازة!
اسبوع يا ولاد الحلال لطلبة الثانوية العامة
وهنيالك يا فاعل الخير
حرام عليكوا تعبنا.عاوزين اسبوع واحد بس
ياااااااااااااااه
نفسي كده اقعد ادام التليفزيون وانام ع ضهري واجيب حاجة غير القنوات التعليمية
نفسي اقعد قدام الكمبيوتر واجيب حاجة غير الغرف الصوتية
نفسي اقابل اصحابي وماسألهمش ذاكرتوا ايه النهاردة
نفسي ونفسي ونفسي اهيْ اهيْ اهيء(عيطوا معايا يمكن اما نعيط نصعب عليهم)
ومن موقعي هذا انا شد كل طلبة الثانوية العامة واقولهم يالا نعمل مظاهرة ع كل المدرسين المفتريين
وليكن شعارنا
من حقنا من حقنا نحلم بحضن يضمنا.....
أأأأقصدي
من حقنا من حقنا نحلم باجازة تضمنا
سؤال الحلقة:
ماذا تعرف عن مدرسين الكيميا وخاصة اللي ف بالي؟
1_شريرين.
2_مفتريين.
3_تييييييييييييييت(حذف من قبل الرقابة)
واللي يعرف الاجابة يتصل ب 0500 والجايزة هيا مدرس كيميا هدية
الثلاثاء، 26 يناير 2010
حياتي عذااااب!!
حاسة انه اسم كتاب أو فيلم..
هوا غالباً على وزن حماتي ملاك بس انا متهيألي حماتي هتبقى مقطقطة كده وكول ع الاخر..
بس ديه مش مشكلتنا إيه الرغي ده كله ده الستات دول رغايين اوي(على اعتبار اننا مش منهم (^_^)
اليوم اصدرت قرار داخلي جواني بأنني انسانة ليا حقوق وعليا واجبات ولأني في سن خطر وممكن أشم كلا(بضم الكاف وشد اللام) او افتح المدونة على غرزة..يعني قمة الانحراف لفتاة في السادسة عشر من عمرها فأنا بطالب بابسط حقوقي وهيا..اجازة لمدة اسبوع....Pleaaaaaase I beg you I beg you
اهيء اهيء عاااااااااااااا(وش بيعيط)
:((((((
لقد اصدر الاساتذة المسترات المبجلين فرمانهم باعدامنا حرقاً قصدي مذاكرتاً(عشان القافية)
وقرروا اعلان الحرب على الطلاب المطحونين والمجبورين وإلغاء الاجازة الترمية وهي حصة واحدة فقط
لله حصة زكاة عن صحتك وصحة عيااااالك
مش عاوزين غير اسبوع ارجووووووكن (وش بيعيط بس غير الوش اللي فوق)
وأنا من موقفي هذا أناشد المسئولين السيد وزير الكهربا والسيد وزير المياه بمنطقة شمال القاهرة ان يقطع النور والمياه عن كل مدرس مفتري مش هيدي بتوع ثانوي اجازة :(
وبهذه المهزلة اعزائي اضيف إلى كارثة السيول والبرد ومنكوبي الزلازل وأطفال الشوارع...متشردين الثانوية العامة
وبمناسبة الاجازة بتاعت نص السنة..احب اقول...حسبي الله ونعم الوكيل
(وش بينتحر)
الخميس، 21 يناير 2010
اقرا الخبببببببببببر
قررنا نحن المدعوتين
المشمهندسة رضوى (Just Smile )والمشصيدلانية الآء(وجدتها!)
عمل مدونة للكبار و الأطفال.. للفقراء والمحتاجين
للشحاتين والمتسولين..لابن الوزير وابن الغفير
لكل اللي في بلوجر ولكل المدونين
هنحكي واحنا مش خايفين
الغريب بقى ان المدونة ديه سياسية...ايوه سياسة سياسة كده مش بهزر
وقد اتفقنا ان لو اتقفشنا فلسوف نضحي بالاء عشان تعيش رضوى
ومن هنا يا مرحب بالزائرين
واحب اقول للحكومة حسبي الله ونعم الوكيل
_ _ _ _ _ _ _ _ _ _
R & A
الاشتراك في:
الرسائل (Atom)
